خالد أبو بكر: تأكدت من انقطاع الكهرباء في منزل رئيس الوزراء ضمن تخفيف الأحمال

أفاد الإعلامي خالد أبو بكر، بأنه تأكد من انقطاع الكهرباء في منزل الدكتور مصطفى مدبولي رئيس مجلس الوزراء، ضمن خطة تخفيف الأحمال.

وقال أبو خلال برنامجه «كل يوم» عبر شاشة «on»، مساء الجمعة: «الكهرباء قطعت في البيت عندي قبل ما أنزل البرنامج واتعكننت جدا.. أنا أنزل لابس شراب فردة سوداء وفردة زرقاء.. ده كلام».

وأضاف: «أنا ساكن جمبي الدكتور مصطفى مدبولي رئيس الوزراء.. فكلفت 2 محامين يروحوا يشوفوا في كهرباء عند رئيس الوزراء في البيت ولا لأ.. (ولو كانت شغالة) كنت هعمل محضر إثبات حالة ونشتغل بقى.. بس لقوا الكهرباء عند الدكتور مصطفى مقطوعة».

ووجه أبو بكر، دعوة لرئيس الوزراء لأنْ يتم قطع الكهرباء في مدينة 6 أكتوبر بعد الثانية صباحا.

وفسّر ذلك بالقول: «أغلب المذيعين عايشين في أكتوبر، وبننزل لمدينة الإنتاج الإعلامي الساعة 6 .. فلازم تكون الكهرباء شغالة علشان نتكلم عن الإنجازات.. إحنا هنشوف الإنجازات إزاي في الضلمة».