حسام حسن: لم نتجاوز ضد صالح سليم بل نعشقه ونجله يعلم ذلك

كشف حسام حسن نجم الأهلي والزمالك السابق، عن حقيقة هجومه على الراحل صالح سليم، رئيس النادي الأهلي الأسبق.

وقال حسام حسن في مداخلة هاتفية عبر برنامج «اللعيب» المذاع عبر فضائية «إم بي سي مصر»: «في بعض مباريات الأهلي والزمالك، بالدوري الأهلي لم يكن موفقًا وأحرزت أهداف في الفريق الأحمر»، مضيفًا: «وأنا لاعب مع الزمالك، كنت بحترم شعور جماهير الأهلي لأن ده النادي اللي اتربيت فيه وشعور جماهير الزمالك لأن ده النادي اللي كنت ينتمي له في ذلك الوقت، فأنا لما كنت بجيب اجوان مكنتش بزعل حد».

وتابع: «في إحدى المباريات الأهلي كان فائزًا على الزمالك لاقيت بعض القلة التي كانت متواجدة في المدرجات من جماهير الأهلي وجهت لنا السباب، فأنا طلعت بعد المباراة وقولت: جمهور الأهلي بيشتمنا ليه؟ أنا كل الماتشات اللي فاتت كنت بجيب اجوان ولا أستفز الجماهير، ده إحنا جايبين بطولات أكتر من صالح سليم رئيس النادي، هي دي شتيمة؟ هي دي الجملة اللي الناس بتتكلم عليها».

وأردف: «هو أنا لما أقول أنا جبت بطولات أكتر من رمز مثل صلاح سليم، دي عيب! صالح سليم، أنا وإبراهيم بنعشقه، في ناس بتمثل كانت جنب الكابتن صالح، وعايشة معاه واشتغلوا معاه وبيضربوه في ضهره، واسألوا هشام سليم، هو عارف الكلام ده».