إيمي طلعت زكريا عن إيجاد بديل لوالدها في حريم كريم: كلمة استفزتني.. ومصطفى قمر قال كلام ضايقني جدا

كشفت الفنانة إيمي طلعت زكريا عن رأيها في تحضيرات الجزء الثاني من فيلم حريم كريم، حيث كان والدها الفنان طلعت زكريا أحد أهم الأبطال المشاركين فيه، موضحة أنه كان يستعد لهذا العمل قبل وفاته قائلة: "بابا كان داخل يصور حريم كريم الجزء الثاني وقعدوا جلسات عمل مع المخرج علي إدريس ومصطفى قمر وكان بابا مبسوط جدا".

وأضافت إيمي خلال استضافتها في برنامج فيس أوف على قناة هي، قائلة: "لما عرفت إنهم بدأوا يعملوا حريم كريم اتسألت من أحد الصحفيين إيه رأيك إن عمرو عبد الجليل بديل لطلعت زكريا أنا الكلمة استفزتني بصراحة وبعيدا عنه فنيا أنا بتكلم عن أبويا وقولتلهم لا، طلعت زكريا ملهوش بديل، كل واحد له مدرسته وحتته وعمرو عبد الجليل نجم كبير واشتغلت معاه وهو اللي مربيني".

وتابعت: "بعدها كتبت وقولت إن ليه مش بنبتكر حاجة جديدة، طلع الاستاذ مصطفى قمر اللي شاهدتي فيه مجروحة لإني بحبه جدا، بس هو قال كلام ضايقني جدا قعد يقولي دي مش هتحركنا وأنا شايف إن رأيها غلط، وكنت مستنية يكلمني ولكن محصلش أي تواصل منه خالص ولكن أكيد بتمنالهم يعملوا حاجة حلوة".