ميدو:ما حدث بكأس العرب «نقطة سوداء» في تاريخنا

أعرب أحمد حسام ميدو لاعب الزمالك ومنتخب مصر السابق عن غضبه الشديد بعد خروج منتخب مصر مبكرًا من بطولة كأس العرب 2025 من دور المجموعات، مؤكدًا أن ما حدث يمثل ضربة قوية لتاريخ الكرة المصرية.

وقال ميدو في تصريحات تلفزيونية: “لازم نحترم قميص منتخب مصر. المنتخب الوطني سواء الأول أو الثاني أو الأولمبي، لأنه بيمثل شعب كامل، ولازم يكون في تقدير للمسؤولية.”

وأضاف: “البطولة دي نقطة سوداء في تاريخنا. مفيش تجميل للمشهد، لأن اللي حصل قدام عينينا كلنا.”

وتابع ميدو مهاجمًا طريقة الإدارة الفنية الحالية:“اللي حصل مصيبة مفيش تنسيق، مفيش خطة، مفيش استراتيجية لتطوير اللاعب المصري العالم كله بيحط خطط طويلة المدى… وإحنا لسه شغالين بشكل عشوائي وعايشين على الماضي.”

واختتم:“الجيل الجديد مش هينسى اللي بيحصل دلوقتي اللي حصل في البطولة فضيحة في الأداء والنتيجة كل اللاعبين اللي شاركوا اتحرقوا بسبب سوء الإدارة، وخروجنا بالطريقة دي مسؤولية كاملة على القائمين على الكرة المصرية.”