مرتضى منصور يشن هجوما جديدا على الخطيب

شن مرتضى منصور، رئيس نادي الزمالك هجوما جديدا على محمود الخطيب رئيس النادي الأهلي بسبب سوء تعامل الأخير للاعبي الزمالك الصغار في المباراة التي جمعتهما داخل القلعة الحمراء.

وقال مرتضى خلال المقطع الفيديو الذي نشره عبر صفحته الشخصية على شبكة التواصل الاجتماعي «فيسبوك»:" الأهلي لعب في الكرة الطائرة داخل نادي الزمالك واستقبلناهم بكل حب واحترام، فيه فرق بين نادي الزمالك من بعد أن جاء مرتضى منصور وأصبح نادي الزمالك والأخلاق وبين نادي تاني ضربوا العيال اللي قد احفادنا 15 سنة وأمهاتهم والبيه ماعملش اعتذار ليه أصل أنا بيبو، أنا بقول لك أنت ولا حاجة أنت قد كده".

وأضاف مرتضى:" كان لازم تعمل بيان اعتذار زي ما احنا بنعمل، أنت عايش في دور إنك أقوى من كل الناس اللي في الدولة ودي مش حقيقة، انظر في المرأة وبص في التاريخ، وأقعد مع المسؤولين في الدولة اللي بتقول كل شوية الزمالك الدولة معاه".

وأكمل:" الدولة معايا وبيحبسوني الدولة معايا وبيحلوني وبيسقطوني في مجلس النواب بالتزوير، يا عم مش عايزها معايا وخليها معاك شوية وخليهم يحبسوك بقى أو يسقطوك".

وأتم مرتضى منصور حديثه بأنه أمر مسؤولي الزمالك بزيادة لافتات نادي القرن الحقيقي على أسوار مقر النادي، مؤكدا أن الزمالك هو من يستحق لقب نادي القرن بالفعل.