عمرو أديب: شغلانتنا قائمة على عدم التطبيل.. ونتعرض لضغوط من بعض الزملاء

شدد الإعلامي عمرو أديب على أن الدور الطبيعي لوسائل الإعلام يقوم على نقل الحقيقة والمعلومات، وليس التطبيل أو تجميل الواقع.

وقال: «شغلانتنا قائمة على عدم التطبيل لكن في مصر نتعرض لضغوط من زملاء بيقولوا انت ليه مش بتقول كلام كويس عن بلدك ولا بتتكلم عن إنجازاتها.. هؤلاء متأثرون حتى الآن بفكر إعلام القطاع العام بتاع زمان".

وأضاف: «إحنا دورنا ننقل معلومات بعضها جيد وبعضها غير جيد.. الشغلانة مش معمولة علشان نطلع تقول ما هو عظيم وعبقري.. إحنا دورنا نتكلم علشان نكون دائمًا في وضع أفضل».

وتابع: «دورنا ليس تجميل الواقع والحديث عن الإنجازات.. ونظرتنا ليست سوداء لكننا نمارس عملنا.. في الغرب ترتيب الأخبار بيكون قائم على تقديم المعلومات وليس تجميل الأمور أمام المشاهد».

ولفت إلى أن من بين المعلومات المهمة التي يجب التوقف أمامها تراجع مديونية الدولة المستحقة لشركائه في مجال البترول، وقال إن استعراض هذا الخبر ليس تطبيلا بل أمر مهم لأن دور الإعلام أن يُعلِم المواطن بالشيء الجيد أو غير الجيد .

وتابع: «بعض الناس بتتكلم عن مصطلح المذيع الوطني.. ده اللي بيطلع يتكلم طول الوقت عن الإنجازات وعن البناء لكن دي شغلانة ناس تانية.. دائما عندما نتحدث عما نريده الأفضل».

واستكمل: «لو أنا ليا اتجاهات محدش يسيبني البلد هنا مش متسابة كده.. أنا في المجتمع هنا وجزء منه.. فيه ولادي وفلوسي واستثماراتي وشققي.. وأنا يهمني الوضع اللي إحنا فيه».