تامر حسني وثراء جبيل يتبادلان الثناء بعد طرح كليب «موحشتكيش»

طرح الفنان تامر حسني أمس فيديو كليب لأغنيته "موحشتكيش"، ونشرت الفنانة ثراء جبيل على حسابها الرسمي بإنستجرام الفيديو كليب والتي تظهر فيه كموديل.

وكتبت ثراء: "أخيرًا الكليب نزل.. أنا سعيدة جدًا لاختياري أني أكون جزءا من كليب للفنان اللي بحبه أوي وبحب أغانيه وبيضحكني من قلبي.. استمتعت بكل لحظة في الأغنية.. شكرًا ليك يا تامر على اهتمامك واحساسك بكل تفصيلة عشان كل اللي حواليك يطلعوا بالصورة الراقية دي".

وعلق تامر على منشورها: "يا ثراء والله أنا اللي فخور بأدائك الرائع مبسوط بأدائك من قلبي.. الفنان اللي بتحبيه من وأنت صغيرة والمخرج اللي وقفتي تمثلي قدامه ما شاء الله كل الناس حاسة إحساسك جميل، اختياري ليكي كان في محله، فعلًا تستحقي كل الخير والنجاح وأنا شايفك قريب جدًا في مكانة كبيرة أوي أوي بإذن الله".