تامر حبيب: ماعنديش علم بمهرجان الغردقة مع إنه سينمائي وأنا سينمائي

وجه الفنان تامر حبيب، سؤالا لمتابعيه عبر صفحته على فيسبوك، حول حقيقة وجود مهرجان يحمل اسم "الغردقة السينمائي" وهي نفس المحافظة التي سيقام فيها مهرجان الجونة.

وكتب تامر حبيب: "امبارح وأنا في العربية، سمعت مذيعة في برنامج في الراديو في برنامج فني بتقول إن فعاليات مهرجان الغردقة للسينما العربية هايبدأ على مدينة الغردقة (هي قالت على مش في) من يوم 21 إلى 26 سبتمبر تحت رعاية وزارات الثقافة والسياحة والآثار، وأنا عمري ما سمعت ولا قريت عن المهرجان ده خالص".

وتابع: "هو بجد فيه مهرجان اسمه مهرجان الغردقة بيقام في نفس المحافظة اللي إن شاء الله سيقام فيها مهرجان الجونة السينمائي بعد انتهاء مهرجان الغردقة بكام يوم؟ أنا بأسأل بجد والله علشان أنا فعلا ماعنديش أي علم بالمهرجان ده مع إن المهرجان سينمائي وأنا سينمائي".