أحمد حلمي: مصر هتفضل واقفة جنب أخواتها الفلسطينيين.. حياتكم غالية علينا

شاهد الرئيس عبدالفتاح السيسي، فيلمًا بعنوان «واجب علينا»، شارك فيه الفنان أحمد حلمي، والفنانة منة شلبي، وذلك ضمن فعاليات النسخة الخامسة من احتفالية «قادرون باختلاف»، بمركز المنارة للمؤتمرات الدولية.

وقال حلمي، في تعليقه الصوتي على الفيلم: «إحنا مش بعاد عن بعض، شايفين وحاسين ببعض، والقهرة واحدة، من عشرات السنين هنا كان في أحلام، كان في أماني».

وأضاف: «ساعات أبسط أمنية لينا إنك ترجع زي ما كنت، ترجع لك أرضك، إنك تقف على رجلك أو حتى تتنفس، الحياة هتكمل طول ما إيدنا في إيد بعض، مش بالكلام، بالأفعال».

وأكمل: «الأفعال اللي بتخلينا إيد واحدة، تقدر تخلينا نواجه أي ظرف ونتخطى الأوقات الصعبة كلها، مصر استقبلت آلاف حالات المصابين الفلسطينيين، وهتفضل واقفة جنب إخوتها في ضهرهم وفي أرضهم، حياتكم غالية علينا ومستحيل نتهاون بيها».

واختتم: «أوقات تحصل لنا حاجات تخلي حياتنا مختلفة، لكن اختلافنا عمره ما هيكون عائق، بالعكس إحنا قادرين نتميز باختلافنا طول ما إحنا جنب بعض».

ويشهد الرئيس عبدالفتاح السيسي، صباح اليوم الأربعاء، احتفالية «قادرون باختلاف» لذوي الهمم وأصحاب القدرات الخاصة، في نسختها الخامسة، بحضور عدد من الوزراء وكبار المسئولين.