حكت الفنانة عارفة عبد الرسول قصة صورة جمعتها بالفنان محمود حميدة، نشرتها عبر حسابها على موقع التواصل الاجتماعي فيسبوك.

وقالت عارفة: "بكيت لما شفته، وأعرفه من سنين لما جه عندنا قصر ثقافة الأنفوشى لندوة رمضانية، كنت موظفة على قدى، أخدت بنته قعدتها فى أول صف وبعت جبتلها شيكولاتة، إنتوا متخيلين موظفة مرتبها على قدها تجيب شيكولاتة، يومها قال كلام زود إعجابى بيه".

وتابعت: "لما خلصت الندوة قربت منه وقولتله أنا في دماغى فكرة سيناريو، ممكن أعرضها على حضرتك، وبكل ترحاب إدانى كارت، وقالى فى خلال ١5 يوما تكونى عندى بالسيناريو".

وأكملت: "فرحت جدأ لأنى كنت مخنوقه، ومعنديش إمكانية إنى أجى القاهرة، وأعرض نفسى كممثلة، قلت أكتب وأنا أصلا كنت واخده جايزة فى القصة القصيرة، فيعنى ممكن أحاول أكتب سيناريو".

واستطرد: "حصلت ظروف ودى بقى حكاية، المهم إنه هو السبب فى إن حياتى اتغيرت للى باتمناه، وفضلت ممتنة ليه من وقتها، شوفته وقالوا لى قربى جنب الأستاذ فى الصورة، اترعبت قلت مش معقول لقيته بيقولى تعالى بابتسامة جميلة، قربت وأنا باترعب وخايفة، قالى نتصور الأول، وبعدين عيطى براحتك، الصورة باين فيها العياط والرهبة، بس ده يوم للذكرى".